Բուժում արտերկրում . Բժշկական զբոսաշրջություն

Բժշկական տուրիզմը համաշխարհային տուրիզմի դինամիկ զարգացող ճյուղերից է: Բժշկական գիտության հարաճուն զարգացումը նպաստում է արտասահմանում բուժման մատչելիությանը և բուժական տուրիզմի առաջատար երկրների ու քաղաքների ցանկի ավելացմանը: Բուժումը արտասահմանում աստիճանաբար դառնում է հասանելի մեր հասարակության առավել լայն շերտերին: Իհարկե հետազոտվել և բուժվել արտասահմանում իրենց թույլ տալ կարող են դեռևս մեր բնակչության մի ստվար զանգված, սակայն արտասահմանում բուժման հասանելիության աճի միտումն ակնհայտ է:

Մեր երկրում բժշկական ոլորտի մասնագետները, համաշխարհային մասշտաբով դիտարկելիս, բավական արհեստավարժ են՝ նեղ մասնագիտական բարձր տեղեկացվածությամբ: Հայաստանը, իրավամբ, կարող է հպարտանալ բարձր որակավորմամբ անվանի բժիշկներով, եզակի վիրահատություններ կատարող վիրաբույժներով, ծննդօգնության որակի տպավորիչ բարձրացմամբ: Վստահորեն կարելի է ասել, որ մասնագիտական պատրաստվածությամբ մեր բժիշկ-մասնագետները չեն զիջում իրենց արտասահմանյան գործընկերներին:

Ողջ թերացումը բժշկական ոլորտի սարքավորումներով հագեցվածության մեջ է: Չնայած, որ վերջին տարիներին բուժսարքավորումների ներկրումը մեր երկիր ավելացել է, միևնույն է, որոշ բարդ ու թանկարժեք բժշկական սարքավորումներ դեռևս չկան մեր բուժ "զինանոցում": Մի շարք բարձր տեխնոլոգիական բուժսարքավորումների առկայությունը արտասահմանյան պրակտիկ բժշկական բնագավառում մեծ առավելություն է տալիս տեղացի բժիշկներին և լիարժեք բուժման հնարավորություն ստեղծում իրենց դիմած հիվանդներին:

Արտասահմանյան բժշկության խիստ դրական կողմերից են նաև ապացուցողական բժշկության և աշխատանքի ալգորիթմների ներդրումը ոլորտում, ինչը իր առաջին քայլերն է կատարում Հայաստանում:

Վերոնշյալը մի շարք հիվանդությունների և ախտաբանական վիճակների բուժման մասով առավել նպատակահարմար է դարձնում բուժվելը արտերկրում:
 

Բուժական տուրիզմ արտասահմանում . բուժում Գերմանիայում . բուժում Իսրայելում և այլուր

WorldMedProxy ընկերությունը ստեղծված է՝ ծառայելու մեր ազգաբնակչության այն ներկայացուցիչներին, ովքեր ցանկություն կհայտնեն հետազոտվել և/կամ բուժվել արտասահմանում, ծննդօնություն ստանալ արտերկրում, օգտվել էսթետիկ ու պլաստիկ բժշկության առաջարկներից: Կաջակցենք նաև արտասահմանում սանատոր-կուրորտային բուժման, վերականգնման ցուցումների դեպքում:

Ունենք գործընկերական պայմանագրեր եվրոպական և ասիական երկրների մի շարք կլինիկաների հետ: Կարող ենք առաջարկել անցնել վիրաբուժական, վերականգնողական, քիմիոթերապևտիկ բուժում Արաբական Միացյալ Էմիրությունների, Գերմանիայի, Իսպանիայի, Իսրայելի, Ավստրիայի, Հունաստանի, Լատվիայի, Հունգարիայի, Սինգապուրի, Ֆինլադիայի և մի քանի այլ պետությունների առաջատար հիվանդանոցներում և համալսարանական կլինիկաներում, վերականգնել առողջությունը Գերմանիայի, Ավստրիայի, Հունգարիայի և այլ երկրների բուժիչ հանքային ջրերով հարուստ առողջարաններում, կուրորտային գոտիներում:

Արտասահմանյան գործընկերների ընտրությունը կատարել ենք` բացառապես առաջնորդվելով կոնկրետ կլինիկաներում հարուստ նյութատեխնիկական բազայի, լիցենզավորված բազմափորձ բժիշկների և ուշիմ միջին բուժ անձնակազմի առկայությամբ: Գործընկեր կլինիկաների ցանկը ժամանակի ընթացքում լրացնում ենք նոր բուժհիմնարկներով:

Բուժման նպատակով մեկնող հիվանդներին և խնամողին ուղեկցում ենք արտասահմանում բուժման ողջ ընթացքում: Ուղևորության, հյուրանոցում բնակության, բուժման ընթացքում ծագած խնդիրների դեպքում կարող են դիմել ոչ միայն կցված կոորդինատորին, այլ նաև երևանյան մեր գրասենյակ. աջակցում ենք միշտ:


Ինչու՞ դիմել հենց մեզ` բուժում արտասահմանում կազմակերպելիս.

ա) Բժշկական տուրիզմի առաջարկներ հիմնականում կատարում են տուրիստական գործակալությունները: Մենք դասական տուրիզմով չենք զբաղվում, այլ մասնագիտացել ենք բացառապես բժշկական տուրիզմի բնագավառում:

բ) Մեր անձնակազմում ունենք հաստիքով բժշկական կոնսուլտանտ, ի տարբերություն հայաստանյան այլ ընկերությունների, որտեղ կամ չկան խորհրդատու բժիշկներ, կամ կան արտահաստիքային բժիշկներ, որոնց կարող եք տեսնել ու նրանց հարցադրումներ կատարել խիստ սահմանափակ թվով անգամներ: Մեր բժիշկ-մասնագետը կպատասխանի ոլորտից Ձեզ հուզող հարցերին, մասնագիտորեն կբացատրի այս կամ այն կլինիկայի ընտրության նպատակահարմարությունը, հիվանդանոցի կողմից ներկայացված ծախսերի չափի խելամիտ լինելը, նախքան մեկնելը Հայաստանում կատարվելիք անալիզների և գործիքային քննությունների ծավալը, կմատնանշի Երևանի այն բուժհիմնարկները, որտեղ կոնկրետ քննությունը, հետազոտումը առավել որակյալ կարելի է կազմակերպել: Ընդունեք, որ բժիշկ-մասնագետ չունեցող ընկերությունը խիստ կթերանա վերոնշյալ աջակցությունը ցուցաբերելիս:

գ) Աշխատում ենք մի շարք պետությունների հիվանդանոցների, ծննդատների, վերականգնողական կենտրոնների հետ, ի տարբերություն տուրիստական ընկերությունների, որոնք կազմակերպում են օրինակ, միայն բուժում Գերմանիայում կամ բուժում Իսրայելում, այսինքն հիվանդին չենք սահմանափակում մեկ երկրի 1-ից 2 բուժհիմնարկների առաջարկներով. hիվանդին հնարավորություն ենք տալիս ընտրել մեծ թվով առաջարկներից:



ՀԱՐՑ Հաճախորդից.
– Իսկ ո՞րն է ձեր ընկերություն դիմելու իմաստը, եթե համացանցի օգնությամբ կարող եմ ուղղակիորեն պայմանավորվել յուրաքանչյուր հիվանդանոցի կամ բուժհաստատության բուժանձնակազմի հետ:

ՊԱՏԱՍԽԱՆ.
– Բժշկական ծառայությունները համացանցով ինքնուրույն փնտրելու և ընտրելու ժամանակ բժշկական սպասարկման որակը սպասվածից էականորեն տարբերվելու վտանգը ավելի մեծ է, քան զբոսաշրջային ուղևորության կազմակերպման դեպքում:
"WorldMedProxy" ընկերությանը դիմելու դեպքում դուք հնարավորություն կստանաք օգտվել մեր բազայում եղած առաջատար բժիշկների ծառայություններից, և Գերմանիայի, Ավստրիայի, Շվեյցարիայի, Իսրայելի կամ այլ երկրների բժշկական ենթակառուցվածքներից, ինչի վերաբերյալ տեղեկացված լինելը մեզ հնարավորություն է տալիս օպերատիվ կերպով գտնել արհեստավարժ մասնագետների, Ձեզ ընձեռել բարձրագույն որակի բուժման հնարավորություն:

Մեզ դիմողները կարիք ունեն ոչ միայն բուժման մեկնել լավագույն մասնագետների մոտ, այլև նրանց անհրաժեշտ է խորհրդատվության, հետազոտության և բուժական այլ միջոցառումների տրամաբանված, նախապես պլանավորված և առանց ժամանակի կորստի կազմակերպում: Ձեզ անհրաժեշտ է ոչ թե հետխորհրդային տարածքի բնակչությանը արևմտյան հիվանդանոցների առաջարկած “վճարիր-ժամանիր-տեղում կկազմակերպենք” պարզեցված սխեման, այլ անհատականացված սխեմա, երբ նախապես հայտնի են ցանկությունները, պահանջները և սպասելիքները:

Համեցե´ք:

Բուժական և առողջապահական տուրիզմի ոլորտի մեր առաջարկներից

Cancer Center Germany ուռուցքաբանական կենտրոն

Լեյպցիգի Cancer Center Germany ուռուցքաբանական կենտրոնում (CCG) իրականացվում է քաղցկեղային հիվանդությունների անհետաձգելի ախտորոշում և ամբողջական բուժում.
* ներքին օրգանների կարցինոմա
* փափուկ և ոսկրային հյուսվածքների սարկոմա
* մաշկի չարորակ ուռուցք (մելանոմա և այլն)
* արյունաստեղծ համակարգի չարորակ հիվանդություններ. սուր և քրոնիկ լեյկեմիա, չարորակ լիմֆոմա, միելոդիսպլաստիկ համախտանիշ, հեմոլիզ, աուտոիմունային հիվանդություններ, արյան մակարդման խանգարումներ և այլն:

Կենտրոնի կողմից իրականացվող միջոցառումների ցանկը բավականին լայն է. քիմիոթերապևտիկ բուժում, մոնոկլոնային մարմիններով թիրախավորված թերապիա, արյան և դրա բաղադրիչների փոխներարկում և այլն: Լավագույն վիրաբույժների և գերժամանակակից վիրահատարանների առկայության պայմաններում հաջողվում է անցկացնել դժվարագույն վիրահատությունները մաքսիմալ հաջող արդյունքով:

Համալսարանական մանկական հիվանդանոց. Բազել, Շվեյցարիա

Հիվանդանոցը մեծ համբավ է վայելում Շվեյցարիայի սահմաններից դուրս և համարվում է երեխաների մոտ ասթմայի և թոքային հիվանդությունների բուժման հայտնի միջազգային կենտրոն: Հիվանդանոցն ունի նաև անհաս նորածինների պաթոլոգիաների բուժման հարուստ փորձ:

Հիվանդանոցում իրականացվում է գիտական գործունեություն՝ համատեղելով բազային հետազոտությունները, կլինիկական մանկաբուժությունը և չափահաս հիվանդների բուժումը:
Թերապիաների բոլոր տեսակները իրականացնում են բարձր որակավորված մասնագետները, ովքեր մշտական կապ են պահպանում ողջ աշխարհում առաջատար մանկաբուժական կենտրոնների հետ:
Բժիշկների թիմում ներառված են ռադիոլոգներ, վիրաբույժներ, օրթոպեդներ, անեսթեզիոլոգներ, նեոնատոլոգներ, կրծքով սնուցման, մանկավարժության և սոցիալական դաստիարակության մասնագետներ:

Վիշիի հանքային կուրորտ

Ֆրանսիա: 357 կմ հեռու Փարիզից, 70 կմ` Կլերմոն-Ֆերրանից, 203 կմ` Լեոնից, 295 կմ` Ժնևից:

Վիշին (Vichy) Եվրոպայի ամենահայտնի սպա-կուրորտներից է: Երկար տարիներ այն համարվում է ֆրանսիական բալնեոլոգիայի առաջատարը և բժշկական սպա հայեցակարգի "օրենսդիրը":
Առողջությունը, ֆիզիկական վիճակը և գեղեցկությունը բարելավելու համար հանքային ջրեր խմելու բուժիչ կուրսը կարող եք լրացնել բալնեոթերապիայի անհատական ընտրված ծրագրերով:




Վիշիում բուժվելու բժշկական ցուցումները.
- Երեխաների և մեծահասակների մոտ աղեստամոքսային տրակտի հիվանդություններ
- Նյութափոխանակային հիվանդություններ
- Երիկամա-քարային հիվանդություն և երիկամային քրոնիկ անբավարարություն
- Սննդային ալերգիա
- Մաշկի չորություն
- Ողնաշարի և հոդերի հիվանդություններ
- Ավելորդ քաշ
- Հոգնածություն և քրոնիկ սթրես

Վիշիի հանքային կուրորտը կանխարգելիչ բժշկության առաջատարն է:

Բուկովիչկա Բանյա (Սերբիա). բարենպաստ կլիմա, մաքրեմաքուր օդ

Բուկովիչկա Բանյա բալնեոկուրորտը գտնվում է երկու լեռների՝ Բուկուլյայի և Վենչացի ստորոտին:
Բուկովիչկա Բանյան հանդիսանում է Արանջելովաց քաղաքի մի մասը, որի պատմությունը սերտորեն կապված է սերբական թագավորական Օբրենովիչ դինաստիայի հետ:

Կուրորտի գոյության ողջ ընթացքում առողջարանի անփոփոխ ուղեկիցներն են եղել իդեալական էկոլոգիան, հանքային ջրերը և տորֆը, ինչպես նաև՝ հանգստացողների հանդարտ կյանքը:




Բուկովիչկա Բանյայում իրականացվում է հետևյալ հիվանդությունների և ախտաբանական վիճակների բուժումը.
տարբեր տեսակի արթրիտներ,
օստեոարթրոզ,
վասկուլիտներ,
սպոնդիլիտներ,
նյարդաբանական քրոնիկ հիվանդություններ,
ստամոքս - աղիքային հիվանդություններ,
շաքարախտ,
ալկոհոլից կախվածություն և դրա հետևանքները,
հետվնասվածքային վիճակներ:

Ռեաբիլիտացիոն կլինիկաներ. Բադ Կրոցինգեն, Գերմանիա

"Բադեն" և "Ռայնթալ" կլինիկաները տեղակայված են գերմանական Բադ Կրոցինգեն կուրորտի թերմալ այգու կենտրոնական մասում:

Նրա տաք բաց և փակ լողավազաննները և հիդրոմերսման սրահները աշխատում են շուրջօրյա: Դրանց ջուրը պարունակում է ածխաթթու գազի ամենամեծ քանակությունը ողջ Եվրոպայում և հատկապես խորհուրդ է տրվում սրտային և օրթոպեդիկ պաթոլոգիաներ ունեցող հիվանդներին:

Գերմանական Բադ Կրոցինգեն կուրորտի արևային և տաք կլիման բարենպաստ է թուլացած առողջություն ունեցողների և ֆիզիկական հանգստի կարիք ունեցող տարեց այցելուների համար:

Թերապիայի ցածր արժեքը, բնակվելու և բուժվելու հարմարավետ պայմանները, պրոցեդուրաների և դիետաների անհատական մշակումը, կուրորտային հարմարավետ մթնոլորտը, վերականգնողական խնամքի բարձր որակը և ժամանակակից բժշկական տեխնոլոգիաները` ներառած բացառիկ հիռոտոնիկ սարքավորումը, թույլ են տալիս գերմանական Բադ Կրոցինգեն կուրորտը խորհուրդ տալ ինչպես հետվիրահատական վերականգնման, այնպես էլ կոմպլեքս հիվանդություններ ունեցողների տարիքային ռեաբիլիտացիայի համար:

Քաղցկեղով հիվանդների վերականգնում ԷՎԵՔՍԻԱ կենտրոնում (Հալկիդիկի, Հունաստան)

Օնկոլոգիական ռեաբիլիտացիայի գլխավոր նպատակն է համարվում հիվանդի ֆիզիոլոգիական և հոգեկան վերականգնումը, վիրահատական միջամտությունների արդյունքում առաջացած հետևանքների վերացումը, ինչպես նաև քիմիո և ռադիո թերապիան, օրգանիզմի կորսված գործառույթների վերականգնումը, հիվանդության կրկնման կանխարգելումը, դիմադրողականության բարձրացումը և, որպես հետևանք, հիվանդի կյանքի որակի բարելավումը մինչև հնարավոր ամենաբարձր մակարդակը:

ԷՎԵՔՍԻԱ կենտրոնում օնկոլոգիական ռեաբիլիտացիայի ծրագրերը մշտապես մշակվում են անհատական մոտեցմամբ տարբեր մասնագիտացմամբ մասնագետների կողմից:
Նման ծրագրեր մշակելիս հաշվի են առնվում այնպիսի իրավիճակներ, ինչպիսիք են.
- քաղցկեղային հիվանդությունների ձևը,
- քաղցկեղային հիվանդությունների փուլը,
- հիվանդի ընդհանուր վիճակը,
- անցկացվող թերապիա,
- անցկացվող թերապիայի բարդությունների և վնասակար ռեակցիաների առկայություն:

Հոգեբուժական մասնավոր հիվանդանոց Փարիզում

Փարիզից 3 կմ հեռավորության վրա, Բուլոնյան անտառով և Սեն Կլու զբոսայգիով շրջապատված վայրում 1930թ.-ին Ֆրեյդի աշակերտուհի Հունաստանի արքայադուստր Մարիա Բոնապարտի կողմից հիմնվեց այս կլինիկան:

40 տարվա ընթացքում հիվանդանոցը ղեկավարել է հայտնի հոգեբույժ Գարանդը, ով այն հայտնի դարձրեց անգամ Ֆրանսիայի սահմաններից դուրս:

Այսօր կլինիկան վայելում է միջազգային լայն ճանաչում` բուժման ակնառու արդյունքների, բժշկական ծառայությունների բարձր որակի, հիվանդների գերազանց կենսապայմանների, ինչպես նաև բժշկական թիմի համակարգված աշխատանքի շնորհիվ:

Հիվանդանոցը ղեկավարում են հոգեբուժության գծով նախագահի խորհրդական, բժիշկ Ֆիլիպպ Կլերի-Մելանը և գլխավոր բժիշկ Հենրի Կյուշը:

Ազատվեք անցանկալի սպիներից Արաբական Միացյալ Էմիրություններում

Հռոմեացիները վախենում էին մեջքի սպիներից, քանի որ այն ցույց էր տալիս, որ պատերազմի ժամանակ նրանք հետ են դարձել՝ նահանջել և մեջքին են վնասվածք ստացել:

Ազատվեք անցանկալի սպիներից Արաբական Միացյալ Էմիրություններում առաջատար պլաստիկ վիրաբույժների միջամտությամբ:
Կաջակցենք ողջ գործընթացին:

Բուժում Իսրայելում . Համալսարանական հիվանդանոց Թել-Ավիվում

Bujum Israelum Իսրայելի մեծությամբ երրորդ բազմապրոֆիլային հիվանդանոցը համարվում է պետական առողջապահության կենտրոնական ձեռնարկություններից մեկը: ՈՒնի 1300 ստացիոնար տեղեր:

Այստեղ կենտրոնացած է պրոֆեսորների և աշխարհահռչակ գիտնականների մաքսիմալ քանակություն (մոտ 800), ովքեր դասավանդում են Թել-Ավիվի համալսարանի բժշկական ֆակուլտետում:
Այստեղ աշխատող բժիշկների մեծամասնությունը համարվում են «ամենավարկանիշայիններն» Իսրայելում:

Հիվանդանոցը համարվում է տարբեր գիտական և կլինիկական փորձարկումների բազա, նրա տարածքում համագործակցում են ամբուլատոր ընդունելության ավելի քան 150 բաժիններ և կլինիկական 60 կենտրոններ, այդ թվում դուստր մանկաբուժական կլինիկան, որի ձեռքբերումները հայտնի են ողջ աշխարհում:

Հիվանդանոցի շատ բաժանմունքներ, օրինակ օրթոպեդիկ ուռուցքաբանականը, արյունաբանականը, նյարդավիրաբուժականը, ստամոքսաղիքայինը և իմունոլոգիականը համարվում են ուժեղագույներն Իսրայելում:

Սրտաբանական կենտրոն Մյունհենում, Գերմանիա

Եվրոպական սրտաբանության և սրտային վիրաբուժության առաջատար Մյունհենի Սրտաբանական կենտրոնը այսօր էլ համարվում է խոշորագույններից մեկն աշխարհում և, անխոս, ամենապահանջվածը հիվանդների շրջանում, որի բազայի վրա էլ իրականացվում են կլինիկական բուժման բոլոր տեսակները, հետազոտական և կրթական ակտիվ աշխատանքներ:

Սրտաբանական կենտրոնի երկար տարիների հաջողված գործունեության հիմքում նեղ մասնագիտացված սրտաբանների միջդիսցիպլինար համագործակցության բարձր որակն է, ախտորոշիչ և բուժական անհրաժեշտ բոլոր ինստիտուտների մեկ հաստատության տակ համադրումը:

Կենտրոնում գործում է փոխպատվաստանյութերի խոշորագույն բանկերից մեկը: Հենց այստեղ 80-ական թթ-ին կատարվեց սրտի առաջին փոխպատվաստումը Գերմանիայում:

Այսօր կենտրոնը հասել է զգալի հաջողությունների նվազ ինվազիվ սրտային վիրաբուժության ոլորտում:

Հեվիզ բուժիչ լիճը Հունգարիայում

Հունգարիայի Հեվիզ բուժիչ լիճը Բալատոնի առանձնահատուկ հատված է, որը դարձել է Եվրոպայի № 1 վայրը օստեոխոնդրոզի, հոդերի խնդիրների բուժման, ողնաշարի թեքության ուղղման և հետվիրահատական վերականգնում ստանալու համար:

Լճի ջրի յուրահատուկ բաղադրությունը, թերմալ լոգանքները, բուժիչ ցեխերը և խորհրդատվությունները ժամանակակից հիվանդանոցներում թույլ են տալիս զգալիորեն բարելավել մկանային համակարգը:
Առաջատար փորձագետների կողմից մշակված ծրագրերը, թալասոթերապիան, կոսմետիկ պրոցեդուրաները և համալիր վերականգնողական կուրսերը տալիս են հիանալի էֆեկտ:

Լատվիա-ամերիկյան Աչքի կենտրոն

1993թ.-ին պրոֆեսոր Ջոն Ժոզեֆ ՄակԴերմոտտի կողմից հիմնադրված Աչքի կենտրոնը իրականացնում է բժշկական գործունեություն ԱՄՆ-ում մշակված արձանագրությունների հիման վրա: Դա միջազգային մակարդակի, արտակարգ կահավորված ակնաբուժական կլինիկա է՝ մասնագիտացված համալիր ախտորոշման, ժամանակակից մեթոդներով բուժման և մեծահասակների ու երեխաների ակնաբուժական հիվանդությունների կանխարգելման բնագավառում:

Հիվանդանոցը կահավորված է ԱՄՆ-ում և ԵՄ-ում վավերացված ամենաժամանակակից տեխնիկայով:

Կենտրոնը ունի նաև սեփական ստացիոնար, որտեղ վիրահատությունից հետո հիվանդները կկարողանան գտնվել բժիշկների հսկողության տակ:

Լատվիա-ամերիկյան Ակնաբուժական կենտրոնը գտնվում է Լատվիայի մայրաքաղաք Ռիգայի պատմական կենտրոնում:

Բերանի խոռոչի պրոֆեսիոնալ հիգենայի կոմպլեքս ծառայությունը Շարժայում

Եթե գործերով կամ հանգստի նպատակով մեկնում եք Արաբական Միացյալ Էմիրություններ, կարող եք այցելել Al Yasmeen կլինիկա՝ բերանի խոռոչի պրոֆեսիոնալ հիգենայի ողջ կոմպլեքս ծառայությունը ստանալու, որը ներառում է.
-խորհրդատվություն,
-Air – Flow,
-պինդ ատամնաքարերի և փառի հեռացում ուլտրաձայնային եղանակով,
-բոլոր ատամների գրինդինգ (шлифовка),
-բոլոր ատամների պոլիշ (полировка),
-բերանի խոռոչի անհատական հիգենայի խորհուրդներ:

Ծառայության արժեքն է ընդամենը 80$-ին համարժեք ՀՀ դրամ: Արժեքն, իրոք, խելամիտ է, չէ՞: Առավել ևս, որ գինը ներառում է նաև դեպի կլինիկա տրանսֆերը:

"ԺԱՍՄԻՆ" բժշկական կենտրոնը մեր գործընկերն է 2015թ.-ից:

Վահանաձև գեղձի և նյութափոխանակության «Չիգոտա» կենտրոնը Զլատիբորում, Սերբիա

Բելգրադից 230կմ հվ և Ադրիատիկ ծովափից 300կմ հեռավորության վրա գտնվող Զլատիբոր կլիմայական կուրորտում է, ծովի մակարդակից 1000մ բարձրության վրա:
Կլինիկան գտնվում է գեղատեսիլ լեռնազանգվածի, փշատերև անտառների շրջանում, բազմաթիվ ոլորապտույտ գետերի միջև: Կուրորտի կլիման համարվում է չափավոր մայրցամաքային, նրա առանձնահատկությունը լեռնային և ծովային օդի համադրությունն է, բարենպաստ մթնոլորտային ճնշումը և արևային օրերի մեծ քանակությունը:

Կենտրոնում բուժվել կարող են վահանաձև գեղձի հիվանդություն ունեցողները, ում ցուցված է թերապիա ռադիոակտիվ յոդ-131-ով, այդ թվում, վահանաձև գեղձի կարցինոմայի հետվիրահատական շրջանում:

Այստեղ նաև իրականացվում են նյութափոխանակության տարբեր խախտումների, երեխաների և մեծերի ճարպակալության, ֆիզիկական և հոգեկան հյուծման բուժման ծրագրեր:

Բարձրալեռնային կլինիկա Դավոսում, ՇՎԵՅՑԱՐԻԱ

1898թ.-ին հիմնադրված մասնագիտացված կլինիկա և վերականգնողական կենտրոն մեծահասակների և երեխաների համար:
Հիվանդանոցը գտնվում է ծովի մակարդակից 1600մ բարձրություն ունեցող գեղեցկագույն լեռնային հովտում՝ շվեյցարական Դավոս կուրորտում. 19-րդ դարից սկսած այն համարվում է ալպյան կլիմայական լավագույն կուրորտներից մեկը Եվրոպայում:

Բուժման հաջողությունը երաշխավորվում է չոր և անչափ մաքուր լեռնային օդի համադրությամբ (այս բարձրության վրա թունավոր նյութերը, ծաղկափոշին և կենցաղային ալերգենները լիովին բացակայում են), առաջավոր ախտորոշիչ հնարավորություններով և եվրոպական ու ամերիկյան արտադրողների սարքավորումների կիրառմամբ, Շվեյցարիայի Իմունոլոգիայի Ինստիտուտի մասնագետների հետ բժիշկների մշտական համագործակցությամբ:

ԲՈՒԺՈՒՄ ՀՈՒՆԱՍՏԱՆՈՒՄ. Ռոբոտացված պրոստատէկտոմիա

Ռոբոտացված պրոստատէկտոմիան պրոստատէկտոմիայի մինիմալ ինվազիվ մեթոդն է, որը թույլ է տալիս կրճատել հիվանդանոցում գտնվելու ժամանակը, բարդացումները և վերականգնողական շրջանը՝ միաժամանակ թողնելով առավել դրական կոսմետիկ էֆեկտ:
Հոսպիտալացումը տևում է 5 օր, վիրահատությունը կատարվում է հիվանդանոցում գտնվելու երկրորդ օրը:

Եվրոպական Բժշկական Կենտրոնում ուրոլոգիական հիվանդություններով տառապող հիվանդներով զբաղվում է ուռուցքաբան-վիրաբույժների խումբը, ովքեր Գերմանիայում անցել են ռոբոտացված վիրաբուժության 8 ամյա վերապատրաստում:
Փորձառու մասնագետների խումբն արդեն իրականացրել է ավելի քան 1500 ռոբոտացված վիրահատություն Գերմանիայում և Հունաստանում:

Մեր գործընկեր-կլինիկայում իրականացվում է օրական երկու ռոբոտացված պրոստատէկտոմիա:

ՌԱԴԻՈՎԻՐԱԲՈՒԺՈՒԹՅՈՒՆ ԻՍՐԱՅԵԼՈՒՄ. Կիբեր-դանակ

Եռաչափ վիզուալիզացիայով CT-սարքով հագեցած գծային արագացուցչի կիրառմամբ ռադիոթերապիան այսօր ճառագայթային թերապիայի ամենաժամանակակից մեթոդներից մեկն է: Ներկայումս ուռուցքային պաթոլոգիայի բուժման դեպքում այս մեթոդը համարվում է առավել անվտանգ ու արդյունավետ:

Մինչև վերջերս ճառագայթային թերապիայով չարորակ հիվանդությունների բուժման ժամանակ բոլոր օրգանները և հյուսվածքները ստանում էին ճառագայթման չափաբաժին: Նման բուժման դեպքում տուժվում էր հիվանդի ընդհանուր վիճակը. առաջանում էր սրտխառնոց, նկատվում էր մազաթափություն, տուժվում էր լյարդը, երիկամները, արյունատար համակարգը ևն: Հատկանշական էր, որ փոքր ուռուցքը նույն չափաբաժնով էր ճառագայթվում, ինչ որ մետաստազներով բարդացած մեծ չարորակ գոյացությունը:

Գիտնական-ուռուցքաբանների քրտնաջան աշխատանքի շնորհիվ բացահայտվեց նորագոյացությունների ճառագայթման թիրախային մեթոդ՝ կիբեր-դանակ, որն այսօր Իսրայելում փոխարինվել է վերջին սերնդի գծային արագացուցիչներով:
Գծային արագացուցիչների օգտագործումը թույլ է տալիս առավել բարձր ճշտությամբ ազդել միայն քաղցկեղով ախտահարված օրգանի վրա՝ չվնասելով մնացած օրգաններն ու հյուսվածքները: Այսպիսի նպատակաուղղված ազդեցությունը հնարավորություն է տալիս կիրառել ավելի մեծ չափաբաժնով ճառագայթում, քան սովորաբար: Այս դեպքում հիվանդի ընդհանուր վիճակը չի տուժում, ճառագայթային թերապիան կողմնակի ազդեցություն չի թողնում:

ԲՈՒԺՈՒՄ ԱՎՍՏՐԻԱՅՈՒՄ

Bujum Avstriayum Քանի որ Ավստրիան չի հայտնվել այն երկրների ցանկում, որպիսիք են Գերմանիան ու Իսրայելը, որոնք ընդունել են մեծ քանակությամբ ներգաղթյալներ նախկին ԽՍՀՄ երկրներից, ավստրիական բժշկության եզակի հնարավորությունների մասին տեղեկատվությունը երկար տարիներ մեծամասամբ հասու է եղել նեղ մասնագետներին:
Իրականում, աշխարհում այսօր Ավստրիան զբաղեցնում է իր ուրույն տեղը բժշկական տեխնոլոգիաների և դեղաբանության բնագավառում:

Երկիրն առանձնանում է կայուն տնտեսությամբ, բարեկեցության բարձր մակարդակով և կյանքի միջին տևողությամբ:
Ավստրիական առողջապահության ռազմավարական ուղղությունը համարվում են ակտիվ երկարակեցության ապահովումը, պրոֆիլակտիկ բժշկությունը, մայրության ու մանկության պահպանումը:

ԲՈՒԺՈՒՄ ՀՈՒՆԳԱՐԻԱՅՈՒՄ

Հունգարիայի հյուսիսում գտնվող Վերականգնողական-կլինիկական կենտրոնը մասնագիտացված է սրտաբանության և օրթոպեդիայի ոլորտում:
Այստեղ նախապես ախտորոշումից և անհատական վերականգնողական ծրագիրը կազմելուց հետո որակավորված ռեաբիլիտոլոգների, սրտաբանների, ֆիզիոթերապևտների, մերսողների, դիետոլոգների և այլ մասնագետների հսկողության տակ իրականացվում է վերականգնողական բուժում:

Կենտրոնն աշխատում է Բուդապեշտի SOTE Սրտաբանության ինստիտուտի և Հունգարիայի առաջատար օրթոպեդ, հոդերի էնդոպրոթեզավորման մասնագետ, դոկտոր Լայոշ Լուկաչի հետ համատեղ:

Կենտրոնի բազայի հիման վրա իրականանում է հիվանդների մինչվիրահատական պատրաստում և հետվիրահատական վերականգնում անոթների և սրտի կատետերիզացումից, կոնքազդրային և ծնկային հոդերի էնդոպրոթեզավորումից և օնկոհիվանդությունների քիմիոթերապիայից ու վիրահատական բուժումից հետո:

ԲՈՒԺՈՒՄ ԳԵՐՄԱՆԻԱՅՈՒՄ

Bujum Germaniayum Գերմանիայի Ֆրայբուրգ քաղաքի օրթոպեդիկ կլինիկայում անցկացվում են ինչպես նախնական օրթոպեդիկ ախտորոշումներ, այնպես էլ էնդոսկոպիկ և արթրոսկոպիկ բոլոր տեսակի վիրահատություններ՝ առավելապես ծնկային, կոնքազդրային և ուսային հոդերի շրջանում: Յուրաքանչյուր տարի իրականացվում է 2500-ից ավելի վիրահատական միջամտություն:

Տեխնոլոգիական բարձր ստանդարտները, բժիշկների միահամուռ, գործունյա և գրագետ անձնակազմը, հետվիրահատական մանրակրկիտ խնամքը, բարեկամական հաճելի մթնոլորտը և ռուսալեզու ուղեկցումը մեր գործընկերոջը դարձնում են Գերմանիայում հոդերի և կապանների տարատեսակ նվազ ինվազիվ վիրաբուժական բուժման լավագույն ընտրության կլինիկա:

Ծնկային և կոնքազդրային վիրաբուժությունում նոր իմպլանտների օգտագործումը, բուժման ինովացիոն մեթոդների կիրառումը, կապանների, մենիսկների վերականգնման ժամանակակից արդյունավետ մեթոդները, ուսային հոդի կայունացումը և ոտքի վալգուսային դեֆորմացիայի բուժումը բացատրում են կլինիկայի բարձր հեղինակությունը սպորտսմենների (ֆուտբոլիստներ, թենիսիստներ, դահուկորդներ), վնասվածքներով և հոդերի տարիքային փոփոխություններով հիվանդների մոտ:

Ֆրայբուրգի օրթոպեդիկ կլինիկայում բարձրորակ բուժման դեպքում հանդիպում է բարդությունների նվազագույն քանակ: Դրա կարևորագույն պատճառներից մեկն այն է, որ ախտորոշումը, վիրահատության նշանակումը, վիրաբուժական միջամտությունը և հետվիրահատական բուժումն իրականացնում է նույն մասնագետը:

Հետվիրահատական և առաջնային վերականգնումը տևում է 4-14 օր: Որպես կանոն, ծնկային և կոնքազդրային հոդերի վիրահատությունից 3 օր անց հիվանդները կարող են առանց որևէ աջակցության ինքնուրույն տեղաշարժվել: Հետվիրահատական վերականգնողական միջոցառումները (ֆիզիոթերապիան) կարող են իրականացվել 1-ին հարկում գտնվող վերականգնողական բաժանմունքում ամբուլատոր կերպով:

Առողջության ախտորոշումը արտասահմանում բժշկական տուրիզմի ամենապահանջված ծառայությունն է

"WorldMedProxy"-ն կատարում է իր հաճախորդների ռադիոլոգիական և վերականգնողական ախտորոշիչ քննություն Մյունխենի, Ֆրայբուրգի, Դյուսելդորֆի, Վիենայի, Թել-Ավիվի, Մարսելի, Դուբայի, Աբու Դաբիի համալսարանական և ակադեմիական կլինիկաներում:

Մենք առաջարկում ենք ձեզ համատեղել հաճելին օգտակարի հետ. կատարել check-up (անգլերենից թարգմանաբար նշանակում է "ախտորոշում"), արտասահմանյան կլինիկայում՝ հանգստանալով երկրում:

Եթե դուք շատ զբաղված եք, ապա կարելի է տեղավորվել մեկ հանգստյան օրում. օրինակ՝ կիրակին Իսրայելում համարվում է աշխատանքային օր, այդ թվում կլինիկաների և բժիշկների համար:

Տեղեկացրեք մեզ ձեր վիճակի և այն մասին, թե քանի օր եք պատրաստ տրամադրել ախտորոշման համար: Եթե ձեր տրամադրության տակ կա 3-5 օր, ապա ձեզ համար կարող ենք կազմակերպել անհատական ախտորոշում ցանկացած երկրում, որի հետ մենք համագործակցում ենք:

Հիշեք, որ կանոնավոր պրոֆիլակտիկ ախտորոշումը թույլ է տալիս բացահայտել հիվանդությունները ամենավաղ, առանց ախտանիշների շրջանում, որը դեպքերի 99%-ի դեպքում ապահովում է լիարժեք բուժում:

 

Բժշկական տուրիզմ . նորություններ, հրապարակումներ

Դուբայում ակտիվորեն աճում է բժշկական տուրերի պահանջը

Դուբայում գրանցվել է բժշկական նպատակներով Էմիրաթ այցելող զբոսաշրջիկների թվի կտրուկ աճ:
2015թ.-ի ընթացքում նրանց թիվը հասել է մոտավորապես 150.000-ի, մինչդեռ 2014թ.-ին Դուբայի առողջապահության համակարգ էր դիմել 135000 արտասահմանցի հաճախորդ: 2015թ.-ին էմիրությունում հասանելի 2900 բժշկական հաստատությունից 1400-ը պահանջված են եղել զբոսաշրջիկների կողմից:

Դուբայի առողջապահության վարչությունը ակնկալում է, որ բժշկական նպատակներով ժամանած զբոսաշրջիկների թիվը 2016թ.-ին հասնելու է 170.000-ի: Ենթադրվող շահույթն էլ կազմելու է $300 մլն:


- Պատվիրե'ք բուժում և/կամ վերականգնում Արաբական Միացյալ Էմիրություններում՝ հայտ ուղարկելով info@medicaltourism.am հասցեին:

Միջազգային բժշկական տուրիզմի երեք սեգմենտները

Ոչ բոլոր երկրներն են իրենց քաղաքացիներին ապահովում արդյունավետ և անվճար բժշկական սպասարկում:
Մոլորակի շատ բնակիչներ ստիպված են ընտրություն կատարել որակյալ, բայց բավականին թանկարժեք և անորակ ու անարդյունավետ բուժման միջև: Եվ հենց մատչելի գներով ժամանակակից և որակյալ բժշկական օգնություն ստանալու բնական ցանկությունը պատճառ հանդիսացավ բիզնեսի այնպիսի տեսակի առաջացման, ինչպիսին է բժշկական տուրիզմը:

Արդյունաբերության այս բնագավառը միատարր չէ և մատուցվող ծառայության տեսակից և գնից կախված` բաժանվում է տարբեր սեգմենտների:
Միջազգային բժշկական տուրիզմի երեք սեգմենտները.
1. Լոուքոսթերներ – Ինչպես հասկանում ենք հենց սեգմենտի անվանումից, այստեղ գործող բժշկական հաստատությունները հաճախորդներին տրամադրում են բժշկական ծառայություններ և վիրաբուժական օգնություն ոչ բարձր գներով: Այս սեգմենտի մեջ են մտնում Թուրքիայի, Թաիլանդի, Հնդկաստանի, Հարավային Կորեայի և Սինգապուրի հատուկ հիվանդանոցները: Լոուքոսթեր սեգմենտի մեջ նաև մտնում է ատամնաբուժական տուրիզմը: Մատչելի և որակյալ ատամնաբուժության կենտրոններ են համարվում Լեհաստանը, Հունգարիան, Մեքսիկան, Կոստա-Ռիկան և Թաիլանդը: Ռուսաստանում և Ուկրաինայում զարգանում է ներքին ատամնաբուժական տուրիզմը: Դա կապված է նրա հետ, որ ատամնաբուժական ծառայությունների արժեքը մեծ քաղաքներում ավելի բարձր է, քան տարածաշրջաններում, սակայն տրամադրվող ծառայությունների որակը զիջում է:

2. Հայդիվելոպենթներ – Այս սեգմենտում աշխատում են Իսրայելի, Ֆրանսիայի, Գերմանիայի, Ճապոնիայի և Շվեյցարիայի հիվանդանոցները: Նրանք հիվանդներին տրամադրում են բարձրորակ բժշկական օգնություն՝ նոր տեխնոլոգիաներ քաղցկեղի և սրտի հիվանդությունների բուժման, ինչպես նաև հենաշարժիչ համակարգի խախտումների բուժման բնագավառում:

3. Ընդհանուր բուժական տուրիզմ – Բժշկական տուրիզմի այս տեսակը ամենատարածվածն է ամբողջ աշխարհում: Այսօր ընդհանուր բուժական տուրիզմի մեջ ներառում են ոչ միայն տորֆային, բալնեոլոգիական և կլիմայական առողջարանները, այլև առողջական հաստատությունները, որոնք ներկայացնում են նաև կոսմետիկ և հակասթրեսային ընթացակարգեր՝ fitness, wellness և SPA կուրորտներ: Առողջարարական տուրիզմի առաջատար կենտրոններն են ԱՄՆ-ն, Ավստրիան, Շվեյցարիան, Չեխիան, Գերմանիան և Ֆրանսիան:

ԱՄԷ-ում հեռացրել են սրտի հազվագյուտ ուռուցք

Ռաս-Էլ-Հայմում շեյխ Խալիֆայի անվան մասնագիտացված հիվանդանոցի վիրաբույժների խումբն անցկացրել է ԱՄԷ-ի քաղաքացի՝ 37-ամյա կնոջ սրտի եզակի ուռուցքի հեռացման հաջող վիրահատությունը:
Հիվանդանոցի գլխավոր բուժ մասնագետ և վիրաբուժության բաժանմունքի վարիչ բժիշկ Չանգի խոսքերով՝ կինը 9 օր անց հիվանդանոցից դուրս է գրվել հիանալի վիճակում:

5սմ երկարություն և 3սմ լայնություն ունեցող բարորակ ուռուցքը պատահաբար հայտնաբերվել է այլ հիվանդանոցի բժշկի զննման ժամանակ: Վիրահատական միջամտության բացակայության պարագայում մանր անոթների խցանման և ինֆարկտի առաջացման ռիսկ կար: Բացի դրանից հիվանդը ուներ դժվարացած շնչառություն, կրծքավանդակի ցավեր, ջերմության բարձրացում և քաշի անկում:

Հիվանդի ամուսինը նշել է, որ նրանք մտադրված են եղել ուղևորվել ասիական այլ երկիր, սակայն գերադասել են վիրահատվել Ռաս-Էլ-Հայմում՝ տարածաշրջանում հիվանդանոցի բացառիկ հեղինակության շնորհիվ:

- Պատվիրե'ք վիրահատություն Ռաս-Էլ-Հայմում՝ հայտ ուղարկելով info@medicaltourism.am հասցեին:

Բժշկական տուրիզմի տեսանկյունից ամենահրապուրիչ երկրների թոփ-հնգյակը

Բժշկական տուրիզմն այսօր արդեն լայն տարածում է գտել ողջ աշխարհում. հարյուր հազարավոր հիվանդներ ամեն տարի այս կամ այն երկիրն են այցելում՝ իրենց հայրենիքում անհասանելի որակյալ բժշկական ծառայություններից օգտվելու նպատակով:

5 ամենահրապուրիչ երկրների ցանկը, որտեղ կարող եք որակյալ բժշկական ծառայություններ գտնել:
1. Սինգապուր
Բարձրորակ ախտորոշման կենտրոններով և քաղցկեղային հիվանդությունների բուժմամբ հայտնի Սինգապուրը տարեկան շուրջ այս կամ այն բժշկական ծառայությունից օգտվելու մտադրությամբ ժամանած 610 հազար զբոսաշրջիկների է ընդունում: Առողջապահության համաշխարհային կազմակերպության հաղորդմամբ, այս երկրի առողջապահական համակարգը լավագույնն է Ասիայում: Ավելին՝ այն, կառավարության միջոցների հաշվին իրականացվող առատաձեռն ներդրումների շնորհիվ, շարունակում է հսկայական արագությամբ զարգանալ: Օրինակ՝ բոլորովին վերջերս կենսատեխնոլոգիաների գծով գիտահետազոտական կենտրոնի բացման նպատակով 300 մլն ԱՄՆ դոլարի ներդրում է իրականացվել: Ընդ որում, բարձր որակը նաև բժշկական սպասարկմանն է վերաբերում: Գներն, իհարկե, բոլորովին էլ ցածր չեն, բայց և, որոշ երկրների համեմատությամբ, աստղաբաշխական թվերով չեն բնորոշվում:

2. Մալայզիա
Ամեն տարի գրեթե կես միլիոն զբոսաշրջիկներ երկրագնդի ամենատարբեր ծայրերից Մալայզիա են ժամանում՝ տեղի բժշկական ծառայություններից օգտվելու նպատակով: Եվ այդ ամենը՝ շնորհիվ համեմատաբար ցածր գների և զարգացած ենթակառուցվածքների: Հնարավոր է՝ առանձնապես շատ բան չեք լսել մալայզիական բժշկության մասին, սակայն այս երկրում բազմաթիվ որակյալ բժշկական հաստատություններ են գործում, որտեղ անհամեմատ ցածր գներով կարելի է գործնականում հնարավոր բոլոր հետազոտությունները անցնել և բժշկական միջամտությունը ստանալ: Հատկապես երբ խոսքը այրվածքների բուժմամբ մասնագիտացված՝ ողջ աշխարհին հայտնի մալայզիական կլինիկաներին է վերաբերում:

3. Թաիլանդ
Թաիլանդը բժշկական տուրիզմի տեսանկյունից ամենահանրահայտ և հրապուրիչ երկրներից մեկն է հանդիսանում: Բազմաթիվ մասնագետներ նշում են, որ ցանկացած վիրահատության կարիք ունենալու դեպքում կարելի է այս երկիր մեկնել: Թաիլանդցի վիրաբույժները, որպես կանոն, արհեստավարժ և բարեհամբույր մասնագետներ են, իսկ գները՝ բավականաչափ ցածր: Օրինակ՝ դեմքի ձգման պրոցեդուրան, որն այլ երկրներում շուրջ 15 հազար ԱՄՆ դոլար արժի, այստեղ ընդամենը 2500-3000 դոլարով են կատարում՝ բարեխղճորեն և առանց թերությունների:

4. Բրազիլիա
Բժշկական տուրիզմի տեսանկյունից ամենահեղինակավոր երկրներից մեկը՝ Բրազիլիան, առավելապես պլաստիկ վիրահատություններով է հայտնի, որոնք արևմտյան երկրների մեծ մասի համեմատությամբ, 60%-ից էլ ցածր գներով են իրականացվում: Ներկայումս Բրազիլիայում ավելի քան 4500 լիցենզավորված պլաստիկ վիրաբույժներ են գործում: Այս կամ այն բժշկական ծառայություններից օգտվելու նպատակով, տարեկան 180 հազար զբոսաշրջիկ է ժամանում Բրազիլիա:

5. Հնդկաստան
Որքան էլ որ տարօրինակ հնչի, Հնդկաստանը նույնպես բժշկական տուրիզմի տեսանկյունից հրապուրիչ երկիր է համարվում: Երկրագնդի բոլոր ծայրերից զբոսաշրջիկներ են ժամանում այս երկիր՝ տեղի օրթոպեդիկ և սրտաբանական ծառայություններից օգտվելու նպատակով: Խոսքը, մասնավորապես, աորտա-կորոնար շունտավորման մասին է, որն իրականացնելու համար նույնիսկ ամերիկացի զբոսաշրջիկների հոսք է նկատվում (պրոցեդուրան Հնդկաստանում շուրջ 30 000 ԱՄՆ դոլար արժի, մինչդեռ ամերիկացի մասնագետները 300 000 դոլար են պահանջում): 2012թ. տվյալներով, Հնդկաստանում առաջարկվող բժշկական ծառայություններից օգտված զբոսաշրջիկների թիվը շուրջ 400 հազար է կազմել:

3D-տպիչները շուտով օգնության կհասնեն ԱՄԷ-ի բժշկական հաստատությունների հիվանդներին

Յուրահատուկ տեխնոլոգիաները, որոնք թույլ են տալիս տպել ատամնաբուժական պսակներ, վերջույթների պրոթեզներ, իմպլանտացվող հոդեր և ոսկորներ ներկայացվել են Դուբայում անցկացված առողջապահությանը նվիրված Arab Health-2016 միջազգային ցուցահանդեսին:

Ի՞նչ է 3D-տպումը: Պատկերացրեք թանաքացիր տպիչ, որը թանաք "ցրելու" և տառեր տպելու փոխարեն բաց է թողնում արագ չորացող պլաստիկի կամ մետաղական գելի շիթ, որոնք ստանում են ատամի, մատի կամ հոդի տեսք:
Նման սարքին անհրաժեշտ են հրամաններ եռաչափ MRI կամ CT սկաներներից, որոնք մարմնի պատճենման ենթակա մասերի վերաբերյալ տալիս են ճշգրիտ տվյալներ: Գործողությունը խնայում է ժամանակը և գումարը՝ տեղափոխելով բժշկական պարագաների արտադրությունը "հիվանդի մահճակալին մոտ":


- Պատվիրե'ք բուժում և/կամ վերականգնում արտասահմանում՝ հայտ ուղարկելով info@medicaltourism.am հասցեին:

Կարճ էքսկուրս պատմությունում

Առաջին արձանագրված դեպքերից, երբ մարդիկ ճանապարհորդել են բժշկական նպատակներով, ձգվում է մինչև հազարավոր տարիներ, երբ հույն ուխտավորները ճանապարհորդել են Միջերկրական ծովից մինչև Սարոնիկոս ծոց։ Այս տարածքը համարվում էր բժշկության աստված Ասկլեպիոսի սրբավայրը։

Սպա քաղաքները և առողջարանները կարելի է համարել բժշկական ճանապարհորդության վաղ ձևը։ Օրինակ, 18-րդ դարում Անգլիայում հիվանդները այցելում էին սպա կենտրոններ, քանի որ այնտեղ գոյություն ունեին ենթադրաբար առողջության համար դրական հանքային ջրեր, որոնց շնորհիվ բուժվում էր լերդացած արյունից մինչև թոքերի հետ կապված խանգարումները և բրոնխիտը։

Դուբայում ջրի մեջ առաջին ծննդաբերությունը բարեհաջող է անցել

Դուբայի պատմության մեջ առաջին ծննդաբերությունը ջրում բարեհաջող է անցել Ալ Բարշա թաղամասի Ալ Զահրա հիվանդանոցում:
Հուլիսի 29-ին հիվանդանոցի հատուկ տաք լողավազանում բժիշկների հսկողության տակ լույս աշխարհ է եկել 3կգ 25գ քաշով փոքրիկը: Ծնունդն ընդունողները մասնագիտացված են ծննդաբերության այս մեթոդի վրա, որը հաջողությամբ կիրառում են բազմաթիվ կանայք տասնյակ տարիներ:
Հիվանդանոցի ծննդաբերության բաժանմունքը կահավորված է լողավազանով, որտեղ արդեն մեկ ամիս է հնարավոր է ծնունդ ընդունել:

Մեծ Բրիտանիայի, եվրոպական մի շարք երկրների, ինչպես նաև ԱՄՆ-ի կանանց մի մասը նախընտրում է ծննդաբերելու հենց այս մեթոդը:
ԱՄԷ-ում նման գործունեությունը սկսվել է Ալ-Այնում, որտեղ 2011 թվականից բացվել է ջրի մեջ ծնունդ ընդունելու մասնագիտացված ծննդաբերական բաժանմունք:

Նորածնի մայրը՝ Էյմի Ստիվենսոնը, նկարագրում է իր զգացողությունները կյանքի առաջին ծննդաբերությունից, այն էլ ջրի մեջ, որպես մի երազանք, որն իրականացավ: «Հիվանդանոցի բաժանմունքը կահավորված է հիանալի դիզայնով ընդարձակ լողավազանով, թույլ լուսավորությամբ և տանիքին փայլող աստղիկներով, որոնք հանգստություն և խաղաղություն են պարգևում»,- ասում է Էյմին: Բացի այդ, կնոջ խոսքերով, ծննդաբերական բաժանմունքի անձնակազմը տարբերվում է բարձր մասնագիտացվածությամբ, որը ևս նպաստում է պրոցեսի բարեհաջող ընթացքին՝ վստահություն ներշնչելով, որ գտնվում ես ապահով ձեռքերում:

Ինչպես նշում է Ալ Զահրա հիվանդանոցի կանացի առողջության բաժանմունքի ղեկավարը, ջրի մեջ ծննդաբերությունը օգնում է կնոջ օրգանիզմին արտազատել ավելի քիչ սթրեսի հորմոններ՝ թույլ տալով հանգստացնել մարմինն ու գիտակցությունը: Նորածնի համար, ով լույս աշխարհ է գալիս ջրում, ևս կան մի շարք առավելություններ, քանի որ ծննդաբերության պահին երեխան ևս ենթարկվում է սթրեսի՝ կապված ճնշման, ձգողականության, ջերմաստիճանի և այլնի փոփոխությունների հետ: Ջուրն էլ համարվում է անցումային միջավայր, որը զգալիորեն մեղմում է այս փոփոխությունները՝ նախապատրաստելով փոքրիկի օրգանիզմը մոր արգանդից դուրս կյանքին:

- 2015թ. ՍԵՊՏԵՄԲԵՐ ԱՄՍԻՑ ԴԱՐՁԱՆՔ "ԱԼ ԶԱՀՐԱ" ՀԻՎԱՆԴԱՆՈՑԻ ՊԱՇՏՈՆԱԿԱՆ ԳՈՐԾԸՆԿԵՐԸ ՀԱՅԱՍՏԱՆՈՒՄ: Դուբայում ջրային միջավայրում ծննդաբերելու համար արդեն այսօր կարող եք գրանցվել մեր գրասենյակում:

Բուժական տուրիզմի լավագույն երկրները

Ամեն տարի միլիոնավոր զբոսաշրջիկներ արտասահման են մեկնում ոչ միայն հանգստանալու, այլև առողջությունը վերականգնելու համար, քանզի շատ հաճախ բժշկական ապաքինումն արտասահմանում ավելի մատչելի է, քան սեփական երկրում:

Բուժական-առողջարարական տուրիզմի ամենապահանջված երկրները ներկայացնում ենք ստորև.
. Մեքսիկա
. Սինգապուր
. Հնդկաստան
. Մալայզիա
. Իսրայել
. Թուրքիա
. Բրազիլիա
. ԱՄԷ
. Թաիլանդ
. Չեխիա